Prasa kon arroz

Reshata de la Sra Naime Salti

Materiales:


2 kg de prasa
11/2 vazos de arroz
3/4 de vazo de azeyte
3 limones, el sumo (o a gusto)
1/2 kucharika de azucar
Sal a gusto

Preparasion:

Mundar, kortar la prasa en rondelas, lavarla bien, i meterla en una kaldera. Adjustar un poko de agua, la sal, asukar i el sumo de limones i kozer a lumbre mediana asta ke la prasa se ablanda un poko. Adjustar el arroz ke ya fue lavado i eskurrido, ansi ke mas agua i kozer a lumbre flosha, todo en mezklando la komida kon una kuchara de tavla para ke no se apege. Abashar de la lumbre kuando la prasa i el arroz ya estan bien kochos i ke todo el likido ya fue embevido. Despues ke ya esta en la temperatura del ambiente meter la komida al frijider. Servir yelado.


Comments