Albondigas (köftés) de prasa

Resheta de Turkía

Ingredientes:


2 kilo de prasa kortada, buyida, eskurrida i
pikada
4 guevos
1 kupa de arina
100 gramos de margarina
sal i pimienta preta (sigún el gusto)
azeyte para friyir

Preparasión:

Se meskla bien todo (a parte l’azeyte).
Se azen las köftés kon las manos mojadas, i
se friyen en l’azeyte keynte.
La agua ke skurrió de la prasa puede sirvir
para papeyar las köftés, antes de sirvirlas, si
se keren komer keyntes.

Lea Bassón – 1993


Reshetas del livro "Gizar kon gozo" de
Matilda Koén-Sarano, (en preparasión).


Comments